ಗುರುವಾದ ಗೆಳೆಯ

ತಿಳಿದಿದ್ದೆ ಅವನು ಹುಡುಗಿಯರ ಬಾಲ ಎಂದು 
ಮಾತನಾಡಿರಲಿಲ್ಲ ಅವನ ಜೊತೆ ಹಿಂದೆಂದೂ 
ಮುಳುಗಿರುತ್ತಿದ ಹುಡುಗಿಯರ ಗುಂಪಿನಲ್ಲಿ ಎಂದೆಂದೂ 

ಮೊದಲ ಮಾತು ಆಡಿದೆ ಪ್ರಯೋಗಾಲಯದಲ್ಲಿ 
ತಿಳಿಯದೇ ಬಿದ್ದೆ ಅವನ ಜೊತೆ ಗೆಳೆತನದಲ್ಲಿ 
ಕಳೆದೆವು ಸಂತಸದ ಕ್ಷಣವನ್ನು ಜೊತೆಯಲ್ಲಿ 

ತಿಳಿದೆ ಅವನ ಪ್ರೇಮ ದುರಂತವನ್ನು 
ಪ್ರೇರೇಪಿಸಿತು ಅವನ ಅನುಭವದ ಮಾತು ನನ್ನನ್ನು 
ಹೊರಟೆ ಹುಡುಕುತ ನನ್ನ ಕನಸಿನ ನಲ್ಲೆಯನ್ನು 

ಹೀಗಿರುವಾಗ ಸಿಕ್ಕಳು ಒಬ್ಬಳು ಹುಡುಗಿ 
ಮುಗ್ಧತೆ ಹೇಳಿತು ಅವಳೇ ನನ್ನ ಬೆಡಗಿ 
ಪಡೆದೆ ಗೆಳೆಯನ ಸಹಾಯವನ್ನು ಅವಳಿಗಾಗಿ 

ದುರದ್ರಷ್ಟವೋ ಏನೋ ಕೊಟ್ಟಳು ಕೈಯ ಸಮಯ ನೋಡಿ 
ಹೇಳಿದ ಗೆಳೆಯ ಬಿಚ್ಚಿತು ನಿನ್ನ  ಕೈಯ ಬೇಡಿ
ಈಗಲೂ ನಗುತ್ತೇವೆ ನಮ್ಮಿಬ್ಬರ ಪರಿಸ್ಥಿತಿಯ ನೋಡಿ