ನಾನು ನಾನು ನಾನು
ಪ್ರತಿಯೊಬ್ಬರಲ್ಲೂ ಇರುವ
ನಾನು ಮಿತ್ರನೇ? ಶತ್ರುವೇ?
ಹುಟ್ಟುವ ಮೊದಲಿಲ್ಲ
ಸತ್ತ ನಂತರವೂ ಇಲ್ಲ
ಈ ಮಧ್ಯೆ ಇರುವ ನಾನು ಯಾರು?
ಗರ್ವದ ಮೂಲ ನಾನು
ಸಿಟ್ಟಿನ ಬೇರು ನಾನು
ಸಂಬಂಧಗಳ ಬಿರುಕಿಗೆ ಸೂತ್ರ ನಾನು
ಕೀಳರಿಮೆಯ ಅಂಕುರ ನಾನು
ಲೋಭಕ್ಕೆ ಗೊಬ್ಬರ ನಾನು
ಸ್ವಾರ್ಥಿಯ ಗೆಳೆಯ ನಾನು
ಅಸೂಯೆಯ ಬುನಾದಿ ನಾನು
ಸಾಧನೆಗೂ ಕಾರಣ ನಾನು
ಸುಖ ಸಂಸಾರಕ್ಕೂ ಬೇಕು ನಾನು
ನಾನು ಬಯಸಿದರೆ ಮಿತ್ರ
ಇಲ್ಲವಾದಲ್ಲಿ ಶತ್ರು
ನಾನು ನಾವಾದರೆ ಎಲ್ಲವೂ ಹಿತ
No comments:
Post a Comment