ನೆನಪು(1)

ಮೊದಲು ಇಟ್ಟ ಹೆಜ್ಜೆಯ ನೆನಪು 

ಅಮ್ಮನನ್ನು ಕಾಣದೇ ಕಂಗಾಲಾದ ನೆನಪು 

ಅಕ್ಕನು ತೋರಿದ ಪ್ರೀತಿಯ ನೆನಪು 

ಶಾಲೆಯಲ್ಲಿ ತಿಂದ ಏಟಿನ ನೆನಪು 

ಬಿದ್ದು ಪೆಟ್ಟಾದ ನೋವಿನ ನೆನಪು 

ಸೈಕಲ್ ಕಲಿತ ಸಂತಸದ ನೆನಪು 

ತುಂಬಿದ ಮನೆಯ ನಲಿವಿನ ನೆನಪು 

ಮಾಡಿದ ರುದ್ರಾಭಿಷೇಕದ ನೆನಪು 

ಬ್ರಹ್ಮೋಪದೇಶದ ಗಳಿಗೆಯ ನೆನಪು 

ಮೊದಲ ಭಾಷಣದ ಹೆದರಿಕೆಯ ನೆನಪು 

ಬೆಟ್ಟದ ಹಣ್ಣುಗಳ ರುಚಿಯ ನೆನಪು 

ಅತ್ಯುತ್ತಮ ವಿಧ್ಯಾರ್ಥಿಯದ ಹೆಮ್ಮೆಯ ನೆನಪು 

ಬಹುಬಾರಿ ಡಿಕ್ಕಿ ಹೊಡೆದ ಗೆಳತಿಯ ನೆನಪು 

ಶಾಲೆಯ ಬೀಳ್ಕೊಡುಗೆಯ ಐಸ್ಕ್ರೀಂ ನೆನಪು 

ಫೋಟೋಗಾಗಿ ತಯಾರಾದ ಸಂಭ್ರಮದ ನೆನಪು 

ದೋಸೆಗಾಗಿ ಮನೆಗೆ ಓಡುತ್ತಿದ್ದ ನೆನಪು 

ಮಳೆಗಾಲದ ಹೊಳೆಯ ಪ್ರವಾಹದ ನೆನಪು 

ಸುಟ್ಟು ತಿಂದ ಗೋಡಂಬಿಯ ನೆನಪು 

ಗುಂಪುಕೂಡಿ ತೆಗೆದ ಜೇನಿನ ನೆನಪು 

ಗೆಳೆಯ ಸಾಕಿದ ಗಿಳಿಯ ನೆನಪು 

ಮುಂಜಾನೆ  ಆಲೆಮನೆಯ ಮೋಜಿನ ನೆನಪು 

ಕಾಲೇಜ್ಗಾಗಿ ತೊರೆದ ಊರಿನ ನೆನಪು 

ದೂರವಾದ  ಗೆಳೆಯರ ಒಡನಾಟದ ನೆನಪು 

ಹೊರಟಾಗ ಇಟ್ಟ ಕಣ್ಣೀರ ನೆನಪು 

ನೆನಪು ನೆನಪು ನೆನಪು 

ಮೊದಲ ಪರ್ವದ ಸುಂದರ ನೆನಪು 

ಮುದ ನೀಡುವ  ಬಾಲ್ಯದ ನೆನಪು 

ಒಂಟಿ

ಬಯಸಿದ ಸ್ನೇಹ 

ಬೆಳೆದ ವ್ಯಾಮೋಹ 

ಸಿಕ್ಕಿದ ದ್ರೋಹ 

ಆದೆ ನಾ ಒಂಟಿ 

ಹುಡುಕಿದ ಸಂಗಾತಿ 

ಹಂಬಲಿಸಿದ ಪ್ರೀತಿ

ದೊರಕಿದ ನೀತಿ 

ಆದೆ ನಾ ಒಂಟಿ

ಜೀವದ ಗೆಳೆಯ 

ಕಳೆದ ಸಮಯ 

ಹೇಳಿದ ವಿದಾಯ

ಆದೆ ನಾ ಒಂಟಿ  

ಜೊತೆಗಿದ್ದ ನಂಟರು 

ಸುಖವಿದ್ದಾಗ ಪ್ರಥಮರು 

ಕಷ್ಟದಲ್ಲಿ ನೋಡರು 

ಆದೆನು ನಾ ಒಂಟಿ 

ಬಂದಾಗ ಒಂಟಿ 

ಬೆಳೆಯುವಾಗಲೂ ಒಂಟಿ 

ಹೋಗುವಾಗಲೂ ಒಂಟಿ

ಯಾರಿಂದಲೂ ಬಯಸದಿರು ಏನನ್ನು 

ಕೊಡು ಎಂದಿಗೂ ನಿನ್ನ ಸಹಕಾರವನ್ನು 

ಮರೆಯದಿರು ತಂದೆ ತಾಯಿಯನ್ನು 

ಅವರು ಮಾಡರು ನಿನ್ನ ಒಂಟಿಯನ್ನು

ಎರಡನೇ ಮನೆ

ಅದು ಅಪರಿಚಿತವೆನಿಸಿದ್ದ ಜಾಗ 

ಎಲ್ಲರೂ ಅಪರಿಚಿತರು 

ಮನೆಗೆ ಓಡಿ ಹೋಗುವಷ್ಟು ಬೇಸರ 

ಮೊದಲು ಪರಿಚಯವಾದ ಕ್ಲಾಸ್ ಮೇಟ್ಸ 

ಆಗ ಮುಖದಲ್ಲಿ ಸ್ವಲ್ಪ ನಗು 

ಸಿಕ್ಕರಲ್ಲ ಗೆಳೆಯರು ಎನ್ನುವ ಆನಂದ 

ನಗುವಿನಿಂದ ಪ್ರಾರಂಭಗೊಂಡ ಗೆಳೆತನ 

ಒಂದೇ ಊರಿನವರೆಲ್ಲರ ಪರಿಚಯ 

ನಮ್ಮವರು ಎಂಬ ಭದ್ರತಾ ಭಾವ 

ಆಡಿದ ಕ್ರಿಕೆಟ್ ಟೂರ್ನಿ  

ಹುಚ್ಚು ಹಿಡಸಿದ ಪಾಮ್ ಟೆನ್ನಿಸ್ 

ಹರಟಿದ ವಿಚಿತ್ರ ವಿಷಯಗಳು 

ಕೂಡಿ ಓದಿದ ದಿನಗಳು 

ಗುಂಪಿನಲ್ಲಿ ನೋಡಿದ ಮ್ಯಾಚ್ಗಳು

ಜಾಗರಣೆಯ ಸವಿ ಕ್ಷಣಗಳು 

ಸ್ನಾನಕ್ಕೆ ಸಾಲಲ್ಲಿ ನಿಲ್ಲುವ ಕೆಲವರು 

ಸ್ನಾನವೇ ಮಾಡದ ಕೆಲವರು 

ಎಲ್ಲ ವಿಧದ ನಮ್ಮ ಗೆಳೆಯರು 

ಮೊದಲು ಹಿಡಿಸಿದ್ದ  ಊಟ

ಈಗ ವಾಂತಿಬರಿಸುತ್ತದೆ ಪರಿಮಳ ಕೂಡ 

ಹೋಟೆಲ್ ಅರಸಿರುವೆವು ನಾವುಗಳು 

ನೋಡಿದ ಬಗೆಬಗೆಯ ಸಿನಿಮಾಗಳು 

ಹಾಡಿದ ಅನ್ಯಭಾಷಾ ಹಾಡುಗಳು 

ಅರ್ಥ ಗೊತ್ತಿಲ್ಲದಿದ್ದರೂ ಸಂತಸ ನೀಡಿದ ಸಾಹಿತ್ಯ 

ಆಚರಿಸಿದ ವಿವಿಧ ಹಬ್ಬಗಳು,ದಿನಗಳು 

ಕೊಟ್ಟ ಬಗೆಬಗೆಯ ಪೋಸುಗಳು 

ಮುದ ನೀಡುವ ಗುಂಪಿನ ಫೋಟೋಗಳು 

ಈಗ ಎಲ್ಲರೂ ಬಂಧು-ಮಿತ್ರರು 

ಬೆಳೆದಿದೆ ನಮ್ಮ ಸಂಸಾರ 

ಇದು ನಮ್ಮ ಎರಡನೇ ಮನೆ ,ಹಾಸ್ಟೆಲ್ 

ಬಿಟ್ಟು ಹೋಗಲು ಮನಸಿಲ್ಲ 

ಆದರೆ ಬೇರೆ ದಾರಿಯಿಲ್ಲ 

ಮುಂದೆಂದೂ ಇಂಥ ಜೀವನ ಸಿಗುವುದಿಲ್ಲ 

ಹುಟ್ಟು ಎಲ್ಲಾದರೂ ಬೆಳೆ ಎಲ್ಲಾದರೂ 

ಒಮ್ಮೆ ಹಾಸ್ಟೆಲ್ ಜೀವನವ ಅನುಭವಿಸಲು ಮರೆಯದಿರು 

ಇದು ಸಂತೋಷದ ಸಾಗರ  

ಹಕ್ಕಿಗಳು??

ಅಲ್ಲೊಂದು ಪುಟ್ಟ ಗೂಡು 
ಅದರಲ್ಲೊಂದು ಸಂಸಾರ 
ಮುದ ನೀಡುತ್ತಿತ್ತು ಅವರ ಚಿಲಿಪಿಲಿ ನಾದ 

ತಂದೆತಾಯಿ ಹೋಗುತ್ತಿದ್ದವು ಊಟ ತರಲು 
ಮನೆಯಲ್ಲಿ ಆಡುತ್ತಿದ್ದವು ಮಕ್ಕಳು 
ಯಾರ ತಂಟೆಗೂ ಹೋಗುತ್ತಿರಲಿಲ್ಲ ಅವು 

ಸಂಜೆಯಾದೊಡನೆ ಮನೆ ಸೇರುತ್ತಿದ್ದವು 
ಮಕ್ಕಳಿಗೆ ಊಟ ತಿನಿಸಿ ಮಲಗುತ್ತಿದ್ದ ತಾಯಿ 
ಅವರ ಕಾಯುವ ತಂದೆ 

ಬೆಳವಣಿಗೆಯ ಹೆಸರಲ್ಲಿ ನಾಶವಾದವು ಕಾಡುಗಳು 
ಮುಗಿಲು ಮುಟ್ಟಿದವು ಕಟ್ಟಡಗಳು 
ಎದ್ದು ನಿಂತವು ದೂರವಾಣಿ ಗೋಪುರಗಳು 

ಅಳಿದವು ಹಲವು ಜೀವ ಸಂಕುಲಗಳು
ಕಂಗಾಲಾಯಿತು ಆ ಪುಟ್ಟ ಸಂಸಾರ
ಸಿಗದಾಯಿತು  ಬದುಕಲು ಜಾಗ 

ಈಗ ಕಾಣದಾಗಿವೆ ಹಕ್ಕಿಗಳು 
ಉಳಿಸಬೇಕಾಗಿದೆ ಇರುವ ಸಂತತಿಗಳ 
ಅದಕ್ಕಾಗಿ ಕೈ ಜೋಡಿಸಬೇಕಾಗಿದೆ ನಾವುಗಳು

ಎರಡನೇ ಪ್ರೀತಿ

ನೋಡಿದೆ ಪಿಯುಸಿಯಲ್ಲಿ ಅವಳನ್ನು 
ಮಾತನಾಡಲು ಬಿಡಲಿಲ್ಲ ಭಯ ನನ್ನನ್ನು 
ನೋಡಿಯೇ ಕಳೆದೆ ಎರಡು ವರ್ಷವನ್ನು 

ಎಣಿಸಿರಲಿಲ್ಲ ಮತ್ತೆ ಸಿಗುತ್ತಾಳೆ  ಎಂಬುದನ್ನು
ಅದ್ರಷ್ಟವು ಮಾಡಿಸಿತು ಪರಿಚಯವನ್ನು 
ಆದರೆ ನಾಚಿಕೆ ಆಡಿಸಿತು ಅವಳ ಜೊತೆ ತೊದಲು ಮಾತನ್ನು 

ಎಲ್ಲಿಂದಲೋ ಬಂದ ಧೈರ್ಯ ಕೇಳಿತು ಪ್ರೀತಿಸುವೆಯ ಎಂದವಳನ್ನು 
ಇದು ಸಮಯವಲ್ಲ ಎಂದು ಚಿವುಟಿದಳು ಪ್ರೀತಿಯ ಅಂಕುರವನ್ನು
ನೆನಪಿಸಿಕೊಂಡು ಆಗ ನನ್ನ ಮೊದಲ ಪ್ರೀತಿಯನ್ನು 

ಆದರು ಬಯಸಿದೆ ಸ್ನೇಹ ಸಂಬಂಧವನ್ನು 
ಅವಳ ದ್ವಂದ್ವ ನಡತೆ ಬದಲಿಸಿತು ನನ್ನ ಮನಸನ್ನು 
ಕಾದೆನು ಅದನ್ನು ಉಳಿಸಿಕೊಲ್ಲುತ್ತಾಳೆ ಎಂಬುದನ್ನು 

ಸ್ನೇಹವೂ ಬೇಡವೆಂದು ತ್ಯಜಿಸಿದಳು ನನ್ನನ್ನು 
ಇಗ ನಂಬಿದ್ದೇನೆ ತಂದೆ ತಾಯಿಯನ್ನು 
ಏಕೆಂದರೆ ಅವರು ಕೊಡಿಸುತ್ತಾರೆ ಚಂದದ ಗೊಂಬೆಯನ್ನು 

ನಮ್ಮೂರು

ಮೂಡಣಕ್ಕೆ ಮುಖ ಮಾಡಿ ನಿಂತ ಮನೆಗಳು 
ಬೆರಳೆಣಿಕೆಯ ಸಂಸಾರಗಳು 
ಪ್ರತಿ ಮನೆಯಲ್ಲೂ ಪುಟ್ಟ ಪುಟ್ಟ ಮಕ್ಕಳು   

ಮುಂಭಾಗದಲ್ಲಿ ಹರಡಿದೆ ಅಡಿಕೆ ತೋಟ 
ಹಿಂಭಾಗದಲ್ಲಿ ದಟ್ಟವಾದ ಕಾಡು 
ಊರ ಹೊರಗಿನ ಎರಡು ಕೆರೆಗಳು 

ಊರ ಮಧ್ಯದಲ್ಲಿದ್ದಾನೆ ನಮ್ಮ ಗಣಪ 
ತೋಟದಲ್ಲಿದ್ದು ಕಾಯುತ್ತಾನೆ ನಾಗಪ್ಪ 
ಅಲ್ಲಿಯೇ ಇದ್ದಾಳೆ ನಮ್ಮವ್ವ ಚೌಡಿ 

ಬಗೆ ಬಗೆಯ ಮಾವಿನ ಗಿಡಗಳು 
ವಿದವಿಧದ ಹಣ್ಣುಗಳು 
ತರತರಹದ ಔಷಧಿ ಗಿಡಗಳು 

ದೂರದಲ್ಲಿರುವ  ನಮ್ಮ ನೆಚ್ಚಿನ ಶಾಲೆ 
ದಾರಿಯಲ್ಲಿ ಸಿಗುವ ನೀರಿನ ಬುಗ್ಗೆಗಳು 
ಎದುರಲ್ಲಿ ಆಗುವ ಕಬ್ಬಿನ ಆಲೆಮನೆ 

ಅಡಿಕೆ ಒಣಗಿಸಲಿರುವ ಚಾಲಿಕಣ
ಆಗಿದೆ ಅದು ನಮ್ಮ ಆಟದ ಮೈದಾನ 
ಅಲ್ಲಿ ಮಲಗುವುದೆಂದರೆ ನಮಗೆ ಔತಣ 

ಸುಪ್ರಭಾತ ಹಾಡುವ ಹಕ್ಕಿಗಳು 
ನಾಟ್ಯ ಮಾಡುವ ನವಿಲುಗಳು 
ಆಟ ಆಡುವ ಮೊಲ ಅಳಿಲುಗಳು 

ಮನಸಿಗೆ ಮುದ ನೀಡುವ ಸೂರ್ಯಾಸ್ತ 
ವಿಶಾಲವಾದ ಭತ್ತದ ಗದ್ದೆಗಳು 
ನೀರಾವರಿಗೆ ನೆರವಾಗುವ ಹೊಳೆ 

ವರ್ಣಿಸಲು ಸಾಲದು ಶಬ್ದಗಳು 
ಇವು ನಮ್ಮೂರಿನ ಸಂಗತಿಗಳು 
ಹೆಮ್ಮೆಯಾಗುತ್ತದೆ ಇದನ್ನು ಹೇಳಲು 

ನಮ್ಮ ವಿದ್ಯಾಲಯ

ನಮ್ಮ ವಿದ್ಯಾಲಯ 

ಬಂದರೆ ವಿಚಿತ್ರವೆನಿಸುವ ವಾತಾವರಣ 
ಮಸಣದತ್ತ ಬಹುಮಂದಿ ನಡೆಸಿದರು ಪಯಣ 
ತಿಳಿಯದು ಯಾವುದು ಮೂಡಣ ಪಡುವಣ 

ಹೊತ್ತಿಗೆಗಳೇ ಇಲ್ಲದ ಗ್ರಂಥಾಲಯ 
ಅವ್ಯವಸ್ಥಿತ ಪ್ರಯೋಗಾಲಯ 
ಎಲ್ಲವೂ ಇದೆ ಎಂದು ಬೊಗಳುವ ಮಹಾಶಯ 

ಅನುಭವವಿದ್ದರೂ ಸುಜ್ಞಾನವಿಲ್ಲದ ಶಿಕ್ಷಕರು 
ಮಕ್ಕಳನ್ನು ಖೈದಿಗಳಂತೆ ಕಾಣುವ ನೀಚರು 
ಲಂಚದಿಂದಲೇ ದಿನ ಆರಂಭಿಸುವ ಆಡಳಿತ ವಿಭಾಗ 

ಬುಧಿವಂತಿಕೆಗೆ ಬೆಲೆಸಿಗದಿರುವ ಗುರುವ್ರಂದ
ನಿಷ್ಠೆಯಿಂದ ದುಡಿಯುವ ಕಾರ್ಮಿಕರು 
ವಿದ್ಯಾರ್ಥಿಗಳ ಗೆಳೆಯರಾಗಿರುವ ಸಿಬ್ಬಂದಿಗಳು 

ಎಲ್ಲ ಖರ್ಚನ್ನೂ ಭರಿಸುವ ವಿದ್ಯಾರ್ಥಿಗಳು 
ಗೋಸುಂಬೆಗಳನ್ತಿರುವ ಮುಖ್ಯಸ್ಥರು 
ಕಲಾವಿದರ ಗೌರವಿಸದ ಮೂಢರು 

ಶಿಸ್ತಿನ ಹೆಸರಲ್ಲಿ ಶಿಕ್ಷಿಸುವ ಶೋಷಕರು 
ಹಗೆ ಸಾಧಿಸುವ ಬಲಾತ್ಕಾರಿಗಳು 
ಮದ ತುಂಬಿದ ಮಂದರು 

ಸ್ವಂತ ಬುದ್ಧಿಯಿಲ್ಲದ ಅವಲಂಬಿಗಳು 
ಏಕತೆಯಿಲ್ಲದ ವಿಭಾಗಗಳು 
ಹಣ ಮಾಡಲು ನಡೆಸುವ ಬಗೆಬಗೆಯ ಕಾರ್ಯಕ್ರಮಗಳು 

ಇದು ಮುಗಿಯದ ಕಥೆ 
ಬರೆಬರೆದು ನಾ ಸೋತೆ 
ಹೀಗಿದೆ ನಮ್ಮ ವಿದ್ಯಾಲಯದ ವ್ಯಥೆ 

ಕನಸಿನ ಕನ್ಯೆ

ನೀಳ ಜಡೆಯ ನಲ್ಲೆ
ಅವಳ ಪ್ರತಿ ನಡೆಯ ನಾ ಬಲ್ಲೆ
ವರ್ಣಿಸಲು ಕಷ್ಟವಾದ ಶಿಲ್ಪಕಲೆ

ಹಣೆಯು ಚಂದಿರನಂತೆ ಸುಂದರ
ಮೂಗು ಕಾಂತಿಯ ಅಂಕುರ
ಕೆನ್ನೆಯ ಮೇಲೆ ನಗುವಿನ ಉಂಗುರ

ಮನಸೆಳೆವ ಕಣ್ಣುಗಳು
ಮುತ್ತುದುರಿಸುವ ತುಟಿಗಳು
ಗುಲಾಬಿ  ದಳದಂತಹ ಕಿವಿಗಳು

ಮೊದಲ ನೋಟದಲ್ಲೇ ಮನಸೋತೆ ಅವಳಿಗೆ
ನೆನಪಾದಳು ಪ್ರತಿ ಗಳಿಗೆಗೆ
ನಾನೊಬ್ಬನೇ ಬಿದ್ದಿರಲಿಲ್ಲ ಅವಳ ಮೋಡಿಗೆ

ಶರಣಾದ ಗಿಡಗಳು ಬೀಸಿದವು ಗಾಳಿ
ನೋಡಲು ಓಡೋಡಿ ಬಂತು ಮಿಂಚು
ಸ್ಪರ್ಶಿಸಲು ಹಾತೊರೆದು ಧರೆಗಿಳಿದ ಮಳೆರಾಯ

ನಾಟ್ಯವಾಡಿದವು ಜಿಂಕೆಗಳು
ಸಂತಸದ ಹಾಡನ್ನು ಹಾಡಿದವು ಪಕ್ಷಿಗಳು
ಅಂಬಾರಿಯ ಹೊರಲು ಸಿದ್ಧನಾದ ಗಜರಾಜ

ಹೀಗಿರಲು ಮುಟ್ಟಿದ ಸೂರ್ಯದೇವ
ಕೇಳಿತು ಅಮ್ಮನ ಸುಪ್ರಭಾತ
ಎದ್ದು ಕುಳಿತೆ ಮರುಗಿ ನನಸಾಗಿದ್ದರೆ ಎಂದು

ನಗು

ಮಗುವಿನ ಮುಗ್ಧ ನಗು 
ಕುಮಾರನ ಸ್ಫಟಿಕದ ನಗು 
ಕಿಶೋರನ ಹುಡುಗಾಟದ ನಗು 

ತಂದೆ ತಾಯಿಯ ಮಮತೆಯ ನಗು 
ನೆರೆಹೊರೆಯವರ ಕಾಳಜಿಯ ನಗು 
ಅಜ್ಜ ಅಜ್ಜಿಯ ಪ್ರೀತಿಯ ನಗು 

ಯುವತಿಗೆ ಮನಸೋತ ಯುವಕನ ಮುಗುಳ್ನಗು 
ಕನ್ಯೆಯ ಚೆಲುವಿನ ಗರ್ವದ ನಗು 
ಮದುಮಕ್ಕಳ ನಾಚಿಕೆಯ ನಗು 

ದಿಗ್ವಿಜಯಿಯ ಹೆಮ್ಮೆಯ ನಗು 
ಸೋಲಲ್ಲೂ ಜಯಕಂಡ ಕ್ರೀಡೆಯ ನಗು 
ದೇಶಪ್ರೇಮಿ ಯೋಧನ ಸಾರ್ಥಕತೆಯ ನಗು 

ರಾಜಕಾರಣಿಯ ಸುಳ್ಳು ಭರವಸೆಯ ನಗು 
ಮುಗ್ಧ ಜನರ ನಿರೀಕ್ಷೆಯ ನಗು 
ಕಳ್ಳ ಅಧಿಕಾರಿಯ ಕ್ರತಕ ನಗು 

ಮೋಸಗಾರನ ಮೋಹದ ನಗು 
ಜಿಪುಣನ ಲೋಭದ ನಗು 
ನಾಶಕ್ಕೆ ಮೂಲ ಈ ನಗು 

ಮನುಜನ ಒಂದು ಸಂಪತ್ತು  ನಗು
ಸಂಬಂಧಗಳ ಬೆಳವಣಿಗೆಗೆ ಕಾರಣ ನಗು 
ಏಳಿಗೆಯ ಬುನಾದಿ ನಗು  

ಅಮ್ಮ

ಭೂಮಿಗೆ ಕರೆತಂದವಳು
ನೋಡಿದಾಗ ಮೊದಲು ಕಂಡವಳು
ಮೊದಲ ಮಾತಾದವಳು ಅಮ್ಮ

ಮೊದಲ ಗುರುವಾದವಳು
ಪೆಟ್ಟು ನೀಡಿ ಬುದ್ಧಿ ಹೇಳಿದವಳು
ಪ್ರತಿಕ್ಷಣವೂ ನಗುವಂತೆ ಮಾಡಿದವಳು ಅಮ್ಮ

ಬಿದ್ದಾಗ ಎತ್ತಿದವಳು
ಅತ್ತಾಗ ರಮಿಸಿದವಳು
ಕಥೆ ಹೇಳಿ ಮಲಗಿಸಿದವಳು ಅಮ್ಮ

ಮನೆಗಾಗಿ ದುಡಿದವಳು
ಪರರ ಸೇವೆ ಮಾಡಿದವಳು
ವಿಶ್ರಾಂತಿಯ ಕಾಣದವಳು ಅಮ್ಮ

ಪತಿಯ ಸಾರಥಿಯಾದವಳು
ಮಕ್ಕಳ ಏಳಿಗೆಗೆ ಕಾರಣಳು
ತವರಿನ ಹೆಸರು ಉಳಿಸಿದವಳು ಅಮ್ಮ

ಸೋಲಲ್ಲೂ ಗೆಲುವಲ್ಲೂ ಜೊತೆಗಿದ್ದವಳು
ಪತಿ ಪುತ್ರರ ಬೈಗುಳವ ಸಹಿಸಿದಳು
ಸದಾ ನಮ್ಮ ಶ್ರೇಯಸ್ಸನ್ನು ಬಯಸುವವಳು ಅಮ್ಮ

ನನ್ನ ಬಾಲ್ಯ

ಮೊದಲು ಇಟ್ಟ ಪುಟ್ಟ ಹೆಜ್ಜೆಯಿಂದ  
ಮೊದಲ ತೊದಲ ಮಾತಿನಿಂದ 
ಪ್ರಾರಂಭಗೊಂಡ ಆ ನನ್ನ ಬಾಲ್ಯ 

ಗುರಿಯಿರದ ನೆನಪಿರದ ಕನಸುಗಳಿಂದ 
ಆಸೆ ದ್ವೇಷವಿರದ ಮುಗ್ಧ ಮನಸಿನಿಂದ 
ಮಧುರ ಮಾತುಗಳಿಂದ ಕೂಡಿತ್ತು ನನ್ನ ಬಾಲ್ಯ

ಅಮ್ಮನ ಪ್ರೀತಿಯ ಪೆಟ್ಟಿನಿಂದ 
ಗುರುವಿನ ಬುದ್ಧಿಯ ಮಾತುಗಳಿಂದ
ನೆರೆಹೊರೆಯವರ ಮಮತೆಯಿಂದೈತ್ತು ಆ ನನ್ನ ಬಾಲ್ಯ  

ಆಡಿದ ಬಗೆ ಬಗೆಯ ಆಟಗಳ 
ಓದಿದ ವಿವಿಧ ಪಾಠಗಳ 
ಪಡೆದ ಪ್ರಾಥಮಿಕ ಶಿಕ್ಷಣದ ಆ ನನ್ನ ಬಾಲ್ಯ 

ಅರಿಯದೇ ಗಾಢವಾಗಿದ್ದ ಗೆಳೆತನ 
ಹುಡುಗಿಯರ ನೋಡಿ ಓಡಿ ಹೋಗುವ ನಾಚಿಕೆತನ 
ಆದರೂ ಕೂಡಿ ಮಾಡಿದ ನಾಟಕ,ಆ ನನ್ನ ಬಾಲ್ಯ 

ಅರಿಷಡ್ವರ್ಗಗಳ ಬಲಿಯಾದ 
ಕಷ್ಟ ಕಾರ್ಪಣ್ಯಗಳಿಂದ ತುಂಬಿದ ಜೀವನ 
ಹೇಳುತಿದೆ ಕಳೆದುಹೋಯಿತು ಆ ನಿನ್ನ ಬಾಲ್ಯ

ಗುರುವಾದ ಗೆಳೆಯ

ತಿಳಿದಿದ್ದೆ ಅವನು ಹುಡುಗಿಯರ ಬಾಲ ಎಂದು 
ಮಾತನಾಡಿರಲಿಲ್ಲ ಅವನ ಜೊತೆ ಹಿಂದೆಂದೂ 
ಮುಳುಗಿರುತ್ತಿದ ಹುಡುಗಿಯರ ಗುಂಪಿನಲ್ಲಿ ಎಂದೆಂದೂ 

ಮೊದಲ ಮಾತು ಆಡಿದೆ ಪ್ರಯೋಗಾಲಯದಲ್ಲಿ 
ತಿಳಿಯದೇ ಬಿದ್ದೆ ಅವನ ಜೊತೆ ಗೆಳೆತನದಲ್ಲಿ 
ಕಳೆದೆವು ಸಂತಸದ ಕ್ಷಣವನ್ನು ಜೊತೆಯಲ್ಲಿ 

ತಿಳಿದೆ ಅವನ ಪ್ರೇಮ ದುರಂತವನ್ನು 
ಪ್ರೇರೇಪಿಸಿತು ಅವನ ಅನುಭವದ ಮಾತು ನನ್ನನ್ನು 
ಹೊರಟೆ ಹುಡುಕುತ ನನ್ನ ಕನಸಿನ ನಲ್ಲೆಯನ್ನು 

ಹೀಗಿರುವಾಗ ಸಿಕ್ಕಳು ಒಬ್ಬಳು ಹುಡುಗಿ 
ಮುಗ್ಧತೆ ಹೇಳಿತು ಅವಳೇ ನನ್ನ ಬೆಡಗಿ 
ಪಡೆದೆ ಗೆಳೆಯನ ಸಹಾಯವನ್ನು ಅವಳಿಗಾಗಿ 

ದುರದ್ರಷ್ಟವೋ ಏನೋ ಕೊಟ್ಟಳು ಕೈಯ ಸಮಯ ನೋಡಿ 
ಹೇಳಿದ ಗೆಳೆಯ ಬಿಚ್ಚಿತು ನಿನ್ನ  ಕೈಯ ಬೇಡಿ
ಈಗಲೂ ನಗುತ್ತೇವೆ ನಮ್ಮಿಬ್ಬರ ಪರಿಸ್ಥಿತಿಯ ನೋಡಿ