ಅಲ್ಲೊಂದು ಪುಟ್ಟ ಗೂಡು
ಅದರಲ್ಲೊಂದು ಸಂಸಾರ
ಮುದ ನೀಡುತ್ತಿತ್ತು ಅವರ ಚಿಲಿಪಿಲಿ ನಾದ
ತಂದೆತಾಯಿ ಹೋಗುತ್ತಿದ್ದವು ಊಟ ತರಲು
ಮನೆಯಲ್ಲಿ ಆಡುತ್ತಿದ್ದವು ಮಕ್ಕಳು
ಯಾರ ತಂಟೆಗೂ ಹೋಗುತ್ತಿರಲಿಲ್ಲ ಅವು
ಸಂಜೆಯಾದೊಡನೆ ಮನೆ ಸೇರುತ್ತಿದ್ದವು
ಮಕ್ಕಳಿಗೆ ಊಟ ತಿನಿಸಿ ಮಲಗುತ್ತಿದ್ದ ತಾಯಿ
ಅವರ ಕಾಯುವ ತಂದೆ
ಬೆಳವಣಿಗೆಯ ಹೆಸರಲ್ಲಿ ನಾಶವಾದವು ಕಾಡುಗಳು
ಮುಗಿಲು ಮುಟ್ಟಿದವು ಕಟ್ಟಡಗಳು
ಎದ್ದು ನಿಂತವು ದೂರವಾಣಿ ಗೋಪುರಗಳು
ಅಳಿದವು ಹಲವು ಜೀವ ಸಂಕುಲಗಳು
ಕಂಗಾಲಾಯಿತು ಆ ಪುಟ್ಟ ಸಂಸಾರ
ಸಿಗದಾಯಿತು ಬದುಕಲು ಜಾಗ
ಈಗ ಕಾಣದಾಗಿವೆ ಹಕ್ಕಿಗಳು
ಉಳಿಸಬೇಕಾಗಿದೆ ಇರುವ ಸಂತತಿಗಳ
ಅದಕ್ಕಾಗಿ ಕೈ ಜೋಡಿಸಬೇಕಾಗಿದೆ ನಾವುಗಳು
No comments:
Post a Comment