ಅಮ್ಮ

ಭೂಮಿಗೆ ಕರೆತಂದವಳು
ನೋಡಿದಾಗ ಮೊದಲು ಕಂಡವಳು
ಮೊದಲ ಮಾತಾದವಳು ಅಮ್ಮ

ಮೊದಲ ಗುರುವಾದವಳು
ಪೆಟ್ಟು ನೀಡಿ ಬುದ್ಧಿ ಹೇಳಿದವಳು
ಪ್ರತಿಕ್ಷಣವೂ ನಗುವಂತೆ ಮಾಡಿದವಳು ಅಮ್ಮ

ಬಿದ್ದಾಗ ಎತ್ತಿದವಳು
ಅತ್ತಾಗ ರಮಿಸಿದವಳು
ಕಥೆ ಹೇಳಿ ಮಲಗಿಸಿದವಳು ಅಮ್ಮ

ಮನೆಗಾಗಿ ದುಡಿದವಳು
ಪರರ ಸೇವೆ ಮಾಡಿದವಳು
ವಿಶ್ರಾಂತಿಯ ಕಾಣದವಳು ಅಮ್ಮ

ಪತಿಯ ಸಾರಥಿಯಾದವಳು
ಮಕ್ಕಳ ಏಳಿಗೆಗೆ ಕಾರಣಳು
ತವರಿನ ಹೆಸರು ಉಳಿಸಿದವಳು ಅಮ್ಮ

ಸೋಲಲ್ಲೂ ಗೆಲುವಲ್ಲೂ ಜೊತೆಗಿದ್ದವಳು
ಪತಿ ಪುತ್ರರ ಬೈಗುಳವ ಸಹಿಸಿದಳು
ಸದಾ ನಮ್ಮ ಶ್ರೇಯಸ್ಸನ್ನು ಬಯಸುವವಳು ಅಮ್ಮ